← Comentarios de obras

PEPIÑO

Comentario do arquivo · 3/47

PEPIÑO
Óleo sobre táboa redonda, 34 x 34. Valbuxán, 1965.

«Quedo mirando ese lindísimo retrato de neno que adorna o teu último catálogo. Ese riso como se te tivese a ti detrás da súa propia historia persoal. Porque ti, meu amigo, sabes sorrir cos pinceis aínda que non pintes rostros», dicía Helena Villar Janeiro. REALISMO ENTERNECIDO, chamouno Areán. A poesía do tema, a tremenda simpatía e a encantadora pose do retratado, a lírica da paisaxe, a harmonía e a delicadeza leonardescas, «La gitanilla» de Frans Hals, «o pintor do riso», «El niño zambo» de Ribera, o perfecto debuxo e o belo colorido de Rafael, a tenrura de Renoir, todo está aquí. Como en «El príncipe Baltasar Carlos» de Velázquez, «todo é puro e inocente neste cadro único feito con primor de miniatura».